प्रहरी निरीक्षक ऋषिराज ढकाल उत्कृष्ट प्रहरी घोषित
उदयपुर । इलाका प्रहरी कार्यालय रामपुर ठोक्सिलामा कार्यरत प्रहरी निरीक्षक ऋषिराज ढकालल उत्कृष्ट प्रहरी घोषित भएका छन् । कोशी प्रदेश प्रहरी कार्यालय विराटनगरले ढकाललाई कार्तिक महिनाको उत्कृष्ट प्रहरी घोषित गरेको हो ।
प्रहरी संगठन भित्र ढकाल अपराध अनुसन्धानमा अब्बल प्रहरी अधिकृतको रुपमा परिचित रहेका छन् । ढकालले विभागीय मूल्य मान्यता, आदेश– निर्देशनको पालना गरी उच्च मनोबल र साहसका साथ आफ्नो कर्तव्य निर्वाह गरेको भन्दै कोशी प्रदेशले ढकाललाई उत्कृष्ट प्रहरी घोषित गरेको हो ।
ढकालले उदयपुरको बेलका नगरपालिका वडा १ आम्बासीबाट मलद्वार भित्र राखी अवैध लागू औषध ल्याउँदै गरेका युवाहरुलाई पक्राउ, भारतबाट अवैध रुपमा लागूऔषध ल्याउने नविन राई, पुकार परियार, मुकेश राई, सुमन तामाङ, अनमोल काफ्लेलाई पक्राउ गर्न सफल भएका थिए । त्यसैगरी इप्रका रामपुर ठोक्सिलाको प्रहरी प्रमुख भएर ढकाल आएपछि ‘फरार पक्राउ’ अभियान सुरु गरि विभिन्न अपराध गरी फरार भएका प्रतिवादीहरु धमाधम पक्राउ पर्न थालेका थिए ।
ढकाल प्रहरी संगठन भित्र आफुलाई दिएको जिम्मेवारी उच्च मनोबलका साथ निर्वाह गर्ने प्रहरीमा पर्दछन ।
