उर्लाबारीमा भएको आगलागीमा घाइते भएका एकको निधन
मोरङको उर्लाबारीमा लक्ष्मीपूजाको दिन स्नेहा सुनचाँदी पसलमा भएको आगलागी नियन्त्रणका क्रममा घाइते भएका स्थानीयवासी तपन पण्डितको उपचारको क्रममा मृत्यु भएको छ ।
छिमेकी दीपक कार्कीको घरमा भएको सुनचाँदी पसलमा आगो लागेपछि निभाउन गएका ४३ वर्षीय पण्डितको उपचारका क्रममा आज मृत्यु भएको हो ।
पण्डितको काठमाडौंस्थित कीर्तिपुर वर्न अस्पतालमा उपचारको क्रममा मृत्यु भएको प्रहरीले जनाएको छ । उपचाररतमध्ये गम्भीर अवस्थाका ८ जनाको आईसीयूमा उपचार भइरहेको छ ।
आगलागी भएपछि निभाउने क्रममा ४ प्रहरी र २४ स्थानीय गरेर २८ जना घाइते भएका थिए ।
